Сәрсенбі күні Брюссельдегі Солтүстік атлантикалық альянсы Ауғанстан бойынша блокқа мүше елдер қорғаныс министрлерінің арнайы мәлімдемесін жариялады, деп хабарлайды "Ұлт ақпарат".
2001 жылы НАТО бойынша одақтас елдер Альянс тарихында бірінші рет Вашингтон келісім-шартының 5-бабын қолданып, Ауғанстанға нақты мақсаттармен контингентін жіберген еді: «Аль-Каидаға» және 11 қыркүйек күні Құрама Штаттарға шабуыл жасағандарға қарсы тұру, сонымен қатар лаңкестердің Ауғанстанды келесі шабуылдарына пана ретінде пайдалануын болдырмау.
Кейінгі он жылдықта өз қанымыз бен құралдарымызды аямай, Ауғанстан Ислам Республикасы және оның қауіпсіздік күштерімен әріптестікте осы мақсаттарға жету үшін жұмыс істедік.
Ауғанстан шешуі тиіс мәселелердің әскери шешімі жоқ екенін мойындай отырып, «Батыл қолдау» Миссиясының күштерін 2021 жылдың 1 мамырында шығаруды ұйғардық.
Бұл операция бірыңғайланған, үйлестірілген және алдын ала жоспарланған. Барлық америкалық және «Батыл қолдау» Миссиясы күштерін шығаруды бірнеше ай ішінде аяқтауды жоспарлап отырмыз.
Осы операция барысында одақтас әскерлерге талибтердің кез келген шабуылы батыл жауаппен қарсы алынады.
«Батыл қолдау» НАТО Миссиясының аяқталуы бейбітшілік жолындағы саяси прогресті өңірлік және халықаралық қолдауды жандандыру аясында жүзеге асырылып отыр. Алдағы уақытта біз ауғандықтардың өз басшылығымен жалғасын тауып жатқан бейбіт процесті қолдайтын боламыз.
НАТО Ыстанбұл конференциясын Дохада жеткен бейбіт процесті ілгері жылжыту және өзгерісті тұрақтандыру мүмкіндігі ретінде қарсы алады. Біз ауған билігі мен «Талибан» қозғалысын америкалық-талибтік келісім мен Ортақ америкалық-ауғандық декларация бастаған бейбіт процесс бойынша өз міндеттемелерін ұстануға шақырамыз.
НАТО одақтастары мен серіктестері алдағы уақытта да Ауғанстанды, оның халқын және институттарын соңғы 20 жылда жеткен жетістіктерді қорғау және қауіпсіздікті нығайту жолында қолдайтын болады. Әскерді алып шығу Ауғанстанмен ара-қатынастың үзілгенін білдірмейді. Бұл жаңа бастама болмақ.
Ауғанстандағы тұрақты әлем бейбіт келісім негізінде зорлық-зомбылықты тоқтатып, барлық ауғандықтардың, әсіресе әйелдер, балалар мен азшылықтың құқықтарына кепілдік беріп, заңды қолдап, Ауғанстанның ендігәрі лаңкестерге пана болмайтынын білдіреді.
НАТО Ауғанстанда жұмыс істеу үшін тарихында ең үлкен коалиция жинады. Біздің әскерлеріміз Ауғанстанға бірге кірді, бірге қызмет етіп, енді бірге кетіп барады.
Осы миссияға қатысқандарға, ауған қауіпсіздік күштеріне алғыс айтамыз. Сонымен қатар осы мақсатта құрбан болғандарды құрметтейміз, делінген НАТО хабарламасында.
488 рет оқылды
_140_110.webp)
