Ресей Федерациясы Кемерово облысының бұрынғы губернаторы Аман Төлеевтің резиденциясы желіні шулатып жатыр. Басқасын айтпағанда учаскесінің аумағы 156 мың шаршы метрді құрайтын болып шықты, деп хабарлады Telegram-дағы Mash каналы.
Төлеев сарайының территориясында аса жайлы тағы 11 үй, ондаған шаруашылық блоктары, тіпті балық аулайтын көліне дейін бар екен. Мұны көргендер «бүтін біз совхоз ғой мынау», деген таңданысын жасыра алмады.
Резиденцияға таяу жерде шағын елдімекен бар. Бірақ ол ауыл мен резиденция арасында қалың орман өскен. Ауылдан резиденцияға баратын жол жоқ.
Билік осы резиденцияны Аман Төлеевтің өзіне қалдырған болатын. Ол аздай, бұрынғы губернаторға ай сайын 50 мың рубль сыйақы төленетін болды.
9877 рет оқылды
