Алматыда жылу құбыры жарылған Рысқұлов көшесінде қалпына келтіру жұмыстары әлі жүріп жатыр, деп хабарлайды ҚазАқпарат.
Апат болған жерде «Алматы жылу жүйесі» мекемесінің бригадасы жұмыс істеуде.
Компания мәліметінше, апат болған аумақта ыстық су желіден ажыратылды. Ақауды кешкі сағат 22:00-ге дейін қалпына келтіру жоспарланған.
Қала тұрғындары жөндеу жұмыстары жүріп жатқан аумақты видеоға түсіріп әлеуметтік желіге салып жатыр.
Видеожазбадан Рысқұлов көшесінің батыс бағытқа қарай жабылғанын көруге болады.
743 рет оқылды
