Алматыда мас күйінде жұмыс істеген экскаватор жүргізушісі ұсталды, деп хабарлайды "Ұлт ақпарат".
Алматы полициясы 51 жастағы азаматты индустриалды аймақта ұстады. Оның іс-әрекеті бірден күдік тудырған.
«Оның қатты қобалжығаны білінді, алкогольдің иісі шығып тұрды. Біздің күдігімізді сот-наркологиялық сараптама растады. Ұсталған азамат ішімдік ішкен. Жүргізуші ауыр құрылыс техникасын басқарудан шеттетілді», - дейді Алатау аудандық әкімшілік полиция басқармасының басшысы Бәукен Байымбетов.
Ұсталған азаматқа қатысты әкімшілік хаттама толтырылды.
Жиналған материалдар шешім қабылдау үшін Алматы қаласының мамандандырылған ауданаралық әкімшілік сотына жіберілді.
896 рет оқылды
