Алматыда коронавирус жұқтырғандар саны азайды. Бұл туралы онлайн брифинг барысында қаланың бас санитарлық дәрігері Жандарбек Бекшин мәлім етті, деп хабалайды ҚазАқпарат.
«Мегаполисте эпидемияның төртінші толқынының төмендеуі байқалады. 2 қыркүйекте жұқтыру 1 859-дан 1 264 дейін азайды. Алматы қаласы халқының 45 пайызында иммундық қабат қалыптасты. Қазіргі уақытта күн сайын коронавирусқа қарсы 3 мыңға жуық адам вакцина алады», - деді Жандарбек Бекшин.
Санитарлық-эпидемиологиялық департамент басшысының айтуынша, эпидемиологиялық зерттеулердің қорытындысы бойынша қалада вирусты көбіне 20-39 жас аралығындағы азаматтар жұқтырады.
«Жастар арасында жұқтыру - 35%, 40-59 жастағылар - 24% және 60 жастан асқандар арасында 23%. Өткен аптада коронавирусты жұқтырудың негізгі орындары анықталды. Ол – сауда орындары - 33%, отбасылық байланыс - 18%, қоғамдық көліктер - 17%, базарлар - 13%», - деді ол.
Сонымен қатар, ол карантин талаптарын жеңілдету цифрлық технологияларды, яғни Ashyq қосымшасын қолдану арқылы мүмкін болғанын тілге тиек етті.
773 рет оқылды
