Алматы колледждерінде 73 мыңнан астам студент білім алуда. Бұл туралы Алматы қаласы білім басқармасының басшысы Ләззат Жылқыбаева айтты, деп хабарлайды ҚазАқпарат.
«Алматыда қазір 83 колледж бар. Оның 23-і мемлекеттік, 60-ы жекеменшік. Барлық колледждерде «Ashyq» жұмыс істейді, барлық студенттер 100% офлайн оқиды», - деді Ләззат Жылқыбаева.
Оның айтуынша, қаладағы колледждердің барлық қызметкерлері 100% вакциналанды. Тек 486 қызметкердің медициналық көрсетілімі болған соң, вакцина салынбады.
«Колледждердің ерекшелігіне қарай, студенттер үшін әртүрлі уақытта екі апталық қысқы демалыс қарастырылған, олар 10 қаңтардан басталады. Қысқы демалыс қарсаңында колледждерде қысқы кезеңдегі қауіпсіздік шаралары бойынша түсіндіру жұмыстары жүргізілуде. Жүргізіліп жатқан жұмыс бақылауға алынған», - деді қалалық білім басқармасының басшысы.
772 рет оқылды
