Фото: Polisia.kz
Алматыда арнайы операция барысында шетелдіктердің қылмыстық іс-әрекетттері әшкереленді, деп хабарлайды «Ұлт ақпарат» қалалық полиция департаментіне сілтеме жасап.
Белгілі болғанындай, қалада Пәкістан мен Үндістаннан келген екі азаматы есірткі бизнесімен айналысқан. Олардың бірі Алматыдағы жоғары оқу орындарында оқиды.
«Өздерінің қылмыстық әрекетін жүзеге асыру үшін күдіктілер жеке тұрғын үйді жалға алған. Тұрғын үйді тінту кезінде сатуға дайын аса ірі көлемдегі синтетикалық есірткі, зертханалық жабдықтар, прекурсорлар табылып, тәркіленді. Шетелдіктердің бірлесе жұмыс істегені анықталды, олардың бірі есірткіні қайнатса, екіншісі оны жасырып қою арқылы таратқан. Іздестіру шаралары қаскөйлердің тұрғылықты жерінде де жүргізілді. Олар синтетика салынған орамдарды жатын бөлмесінде сақтаған. Тәркіленген синтетикалық психотроптық заттардың жалпы салмағы 4 келіден асты. Күдіктілер қамауға алынды», – деді Алматы қалалық полиция департаменті бастығының орынбасары Қуатбек Науатов.
Еске салсақ, Батыс Қазақстан, Абай облыстары мен Алматы қаласында есірткіні ешқандай байланыссыз тәсілмен таратуға маманданған ұйымдасқан қылмыстық топтар ұсталды.
213 рет оқылды
_140_110.jpeg)
