Фото: polisia.kz
Алматыда 1212 дана ақбөкен мүйізін сатпақ болған төрт адам ұсталды, деп хабарлайды «Ұлт ақпарат» Kazinform-ға сілтеме жасап.
Олардың бұл заңсыз әрекеті Алматы қаласы полиция департаментінің ұйымдасқан қылмысқа қарсы күрес басқармасының қызметкерлері жүргізген арнайы іс-шараның нәтижесінде анықталды.
«Алматы облысының аумағында Hyundai автокөлігі тоқтатылды, оның ішін тінту барысында 1212 ақбөкен мүйізі табылды және тәркіленді. Күдіктілер ПД-ның уақытша ұстау изоляторына қамалды. Қазір сотқа дейінгі тергеу басталды», – деді Алматы қалалық полиция департаменті бастығының орынбасары Қуатбек Науатов.
ҚР ҚК-нің 201-бабына сәйкес өзге ақпарат тергеу мүддесіне орай жария етілмейді.
1789 рет оқылды
