Фото: ТЖМ
Бүгін таңғы уақытта Алматының Жетісу ауданындағы әкімшілік ғимаратынан өрт шықты. Жалын шатыр мен ғимараттың сыртқы қаптамасын шарпыған. Ішкі жағында тез тұтанатын материалдардың болуы өрттің қарқынды таралуына себеп болған, деп хабарлайды Ult.kz.
Тілсіз жауды ауыздықтауға 85 өрт сөндіруші мен 25 арнайы техника жұмылдырылды. Сондай-ақ өртті сөндіру жұмыстарына мемлекеттік емес ұйымдар да атсалысты. «Алматы Су» мекемесі үздіксіз су жеткізіп отырды.
«Оқиға орнында жедел штаб жұмыс істеді. Өрт толығымен сөндірілді. Қаза тапқандар мен зардап шеккендер жоқ», – деп хабарлады ТЖМ өкілдері.
2602 рет оқылды
