Фото: Алматы облысы ПД баспасөз қызметі
Күш ауылында жоғалып кеткен үш жасар қыз әлі іздестіріліп жатыр, - деп хабарлайды «Ұлт ақпарат» облыстық полицияның баспасөз қызметіне сілтеме жасап.
Өкінішке қарай, іздеу жұмыстары әлі нәтиже бермеген.
Бала 17 наурызда түстен кейін Еңбекшіқазақ ауданы, Күш ауылында жоғалып кеткен. Үш жасар қызды іздестіру жұмыстары жүргізіліп жатыр.
"Полицияға кешке қыздың анасы хабарласқан. Ауданда арнайы іздеу тобы құрылып, жоғалған баланы іздеуге жергілікті тұрғындар да қосылды. Жалпы 300-ге жуық адам жұмылдырылды", - делінген хабарламада.
Еске салайық, полицияға Куш ауылының 40 жастағы тұрғыны хабарласып, 17 наурызда сағат 16:00 шамасында үш жасар қызы үйінен шығып кетіп, қайтып оралмағанын жеткізген. Бұл дерек бірден аудандық ішкі істер бөліміне тіркелді. Арнайы іздестіру тобы құрылды. Қазір арнайы үйретілген иттер арқылы ауқымды іздестіру шаралары жүргізіліп жатыр.
436 рет оқылды
