Алматы қалалық Қоғамдық денсаулық басқармасының басшысы Нариман Табынбаев медициналық халаттардың жетпейтіні туралы ақпаратты жоққа шығарды, деп хабарлайды "Ұлт ақпарат".
Өңірлік коммуникациялар қызметінің баспасөз конференциясы кезінде Алматы қалалық Қоғамдық денсаулық басқармасының басшысы Нариман Табынбаев мегаполистегі емханалар мен ауруханаларды модернизациялау туралы айтты.
«Біз емханалар мен стационарларға күнделікті мониторинг жүргіземіз жеке қорғаныс құралдары мен дәрі-дәрмектердің болуын тексереміз. Бұл халаттар мен қорғаныс құралдарын жеке қаржыға сатып алу туралы ақпарат жалған. Егер бұл факт расталса, мен шығынның өтелетініне кепілдік беремін», - басқарма басшысы.
Сонымен қатар, ол соңғы екі жылда жергілікті атқарушы органдар коронавируспен күреске қомақты қаржы бөлгенін атап өтті.
«Өткен жылы 20 млрд теңгеге медициналық жабдықтар сатып алынды, оның ішінде 2 МРТ аппараты, 2 томография, 250-ден астам ӨЖЖ аппараты, 150-ге жуық High flow аппараты, 17 медициналық мекемеге медициналық газ жүйесі орнатылды. Барлық емханалар зертханалық диагностикалық қондырғымен жабдықталған. Эндоскопиялық қондырғылар да сатып алынды, өйткені олар коронавируспен ауыратын науқастарға өте қажет. Қосымша медициналық төсек-орындар, мониторлар, шприцтер және науқастарды емдеуге қажетті барлық заттар алынды», - деді Нариман Табынбаев.
Бұдан бөлек, жедел жәрдем қызметі мен перзентханалардың материалдық-техникалық базасы нығайтылды. Жедел медициналық көмек пен диагностикаға 130 жаңа көлік сатып алынды. Алматыдағы инфекциялық ауруханалардың жабдықталуы 98%-ды құрайды.
Сондай -ақ, қоғамдық денсаулық сақтау басқармасының басшысы жергілікті атқарушы органдар тегін пайдалануға берген жұқпалы аурулар ауруханаларының жеткілікті жабдықталғанын тілге тиек етті.
«Біз инфекциялық стационарлар ретінде педагогикалық колледждің жаңа жатақханасын, С. Асфендияров атындағы медициналық университеттің жатақханасын, сондай-ақ «Халық арена» ғимаратын пайдаланамыз», - деді спикер.
700 рет оқылды
