06 там, 2020 сағат 06:35

Алматы автобустарындағы «ақылды» камералар карантин режимін бұзушыларды анықтады

лматыда алғашқы үш күнде қоғамдық көліктерде орналастырылған «ақылды» камералардың көмегімен маска режимі мен әлеуметтік ара қашықтықты бұзғандар анықталды, деп хабарлайды "Ұлт ақпарат".

«Қоғамдық көлікте санитарлық-эпидемиологиялық ережелердің сақталуын бақылайтын пилоттық жоба «Ақылды» камералардың көмегімен алғашқы үш күнде-ақ автобустардағы әлеуметтік ара қашықтықтың сақталмағаны анықталды. 52 адам бетпердесіз болса, 89 адам оны дұрыс кимеген. Тестілеу жалғасады», – деп жазды Instagram-дағы парақшасында Бақытжан Сағынтаев.