Алматы әуежайының №2 жаңа терминалында төбеден су ағып жатқанын жолаушылар әлеуметтік желіде жариялады.
Бұл жағдайға байланысты халықаралық әуежай өкілдері пікір білдірді.
«Мердігер ұйым 1-ші және 2-ші терминалдар арасындағы су құбыры жүйесін орнату жұмыстарын жүргізді. 22 ақпанда жүйені сынақтан өткізу кезінде құбырлардың бір қосылысында жарылыс орын алып, 2-ші терминалдың күту залында уақытша су ағуына себеп болды», – деп хабарлады Zakon.kz редакциясына әуежай өкілдері.
Әуежайдың мәліметінше, жағдай жедел бақылауға алынып, оқиғаның салдары қысқа мерзім ішінде жойылған.
«Бұл жағдай әуежай жұмысына әсер етпеді және жолаушылар мен қызметкерлердің қауіпсіздігіне ешқандай қатер төндірмеді. Келтірілген қолайсыздықтар үшін кешірім сұраймыз және түсіністік танытқандарыңызға алғыс айтамыз», – деп мәлімдеді компанияның Корпоративтік коммуникациялар департаменті.
864 рет оқылды
