21 там, 2020 сағат 14:45

Алакөл ауданындағы селфи: екі адам мерт болды, үшіншісінің жағдайы орташа ауыр

Алматы облысының Алакөл ауданында ауруханаға жеткізілген 15 жастағы жасөспірімнің жағдайы орташа ауыр, - деп хабарлайды "Ұлт ақпарат".

«Баланың оң жақ аяғына бірден операция жасалды. Қазір науқастың жағдайы орташа ауыр. Травматология бөлімінде емін алып жатыр», - деді Алакөл аудандық ауруханасының травматология бөлімінің меңгерушісі Жандос Садықов. 

Естеріңізге сала кетейік, 20-тамыз күні Алматы облысында екі жасөспірім ескі ғимаратта селфи жасаймын деп мерт болды. 

Оқиға Алакөл ауданына қарасты Бескөл ауылының маңында болған. 15 және 16 жастағы екі жеткіншек балық зауытының маңындағы екі қабатты ғимаратта суретке түспек болған кезде олардың үстіне бетонды плита құлап кеткен. 

Облыстық төтенше жағдайлар департаменті баспасөз қызметінің мәліметі бойынша тағы бір 15 жастағы ер баланың оң аяғы сынып, Үшаралдағы ауруханаға жеткізілген.