Фото: Kazinform/Алтынай Сағындықова
Қылмыстық кодекстің «Алаяқтық» бабы бойынша айыпталған экс-депутат 6 жылға бас бостандығынан айырылды. Ол жоқ малға субсидия алған, деп хабарлайды «Ұлт ақпарат» Kazinform-ға сілтеме жасап.
№2 Ақтөбе қалалық сотында кәсіпкер әрі экс-депутат ісі қаралды. Іс материалына сүйенсек, сотталушы шаруа қожалығы атынан жем-шөпке субсидия алуға өтініш берген. Ал шын мәнінде ол көрсеткен мал мүлде болмаған.
Сондай-ақ «Сыбаға» мемлекеттік бағдарламасы бойынша «Аграрлық несие корпорациясы» АҚ арқылы 600 бас ірі қара мал сатып алуға берген несие қаражатын заңсыз алған. Бүгін осы іс бойынша сот үкімі шықты.
- Асылбек Нұргелдин Қылмыстық кодекстің «Алаяқтық» бабы бойынша айыпты деп танылып, 6 жылға бас бостандығынан айыру жазасы тағайындалсын. Жазасын өтеу орны қауіпсіздігі орташа түзету мекемесі деп белгіленсін. Ақтөбе облыстық ауыл шаруашылығы басқармасының арызы қанағаттандырылып, 67 248 900 теңге өндірілсін, - деді судья Сандуғаш Избагамбетова.
Сонымен бірге «Аграрлық несие корпорациясы» АҚ-ның арызы Азаматтық сотта қаралады.
Айта кетейік, экс-депутаттың қамауда отырғанына бір жылға жуық уақыт болды.
387 рет оқылды
_140_110.webp)
_80_80.jpg)
