Ақтөбеде ғимарат опырылған кезде зардап шеккен 1988 жылғы әйел жансақтау бөлімінде қайтыс болды. Бұл туралы облыстық Денсаулық сақтау басқармасының басшысы мәлімдеді.
1988 жылы туған Ләззат Мырзагелдина Ақтөбе облысы бойынша "Ауыл шаруашылығын қаржылай қолдау қоры" АҚ филиалының мониторинг бөлімінің маманы қызметін атқарған.
Өкінішке орай, үйінді астында қалған қызметкерді аман алып қалу мүмкін болмаған. Ол көптеген жарақат алып, қабырғасы сынған еді. Бүгін, 2 қыркүйекте ауруханада қайтыс болды.
«Ауруханаға екі науқас жеткізілді. Біреуіне көмек көрсетіп, үйіне жіберілді. Ал екіншісінің жағдайы өте ауыр болды. Есін білмеді. Бірден жансақтау бөліміне жатқызылды. Кеуде, бас-ми жарақаты болды», - деді облыстық жәдел жәрдем ауруханасының бас дәрігері Серік Қапанов. 33 жастағы әйел есін жимастан көз жұмған.
1772 рет оқылды
