25 ақп, 2023 сағат 14:45

Ақтөбеде әскерге шақырылған сарбаз соққыға жығылды

Фото: ҚР Қорғаныс министрлігі

Ақтөбедегі әскери бөлімдердің бірінде 18 жастағы сарбазды ұрып-соққан. Қатты соққыға жығылған ол қазір Алматыдағы әскери госпитальда жатыр, деп хабарлайды Sputnik Қазақстан сайты Almaty.tv телеарнасына сілтеме жасап.

Бұл туралы 18 жастағы қарағандылық борышын өтеген әскери бөлімдегілер хабарлады. Күні кеше ол жақ сүйегінің сынуы және ми шайқалуы жарақатымен ауруханаға түскен. Ал толық емдеу курсынан өткен соң қарулы күштер қатарына оралады.

"Әскери полиция органдары тергеу жүргізіп жатыр, оны қазір жария ете алмаймыз. Әскерге шақырылған сарбаз Алматыдағы госпитальда жатыр. Емдеу жүргізілуде. Сол жақ төменгі жақ сүйегі сынған", - деді 30238 әскери бөлімі командирінің орынбасары Ренат Шәріпов.

Артиллериялық бригадада екі әскери қызметкер арасында жанжал шыққаны белгілі болды. Әскерге шақырылған сарбаз казармада еден жуып, әріптесіне ескерту жасаған кезде ол оны ұрып-соға бастаған. Оқиғаға қатысты қылмыстық іс қозғалды.