Павлодардағы жоғары оқу орнында АҚШ елшілігінің көмегімен өңір әйелдеріне арналған бизнес-академия ашылады, деп хабарлайды ҚазАқпарат Pavlodarnews.kz-ке сілтеме жасап.
Айта кетсек, облыста 52 000 шағын және орта бизнес субъектісі бар. Олардың 44,4%-ын әйелдер жүргізеді. Әйелдер бизнесі баяу дамуда. Сондықтан жобаның мақсаты - Павлодар, Екібастұз және Ақсу әйелдеріне өздерінің экономикалық әлеуетін іске асыруға көмектесу және сол арқылы өңірдің экономикасын күшейту.
– Жобаның басты міндеті - қатысушыларға бизнесті жүргізу негіздері туралы кешенді және жүйелі түсінік беру, олардың бизнес-дағдылары мен құзыреттерін жетілдіруге көмектесу, бизнестегі өз стратегиясын түсінуді қалыптастыру және өзіне сенімділік пен бизнестегі өз идеясының сәттілігіне уәждеме алу, - дейді университет ректоры Анастасия Алиясова. - Жобаның тәлімгерлері ретінде Американың халықаралық сарапшылары, экономиканың түрлі секторларында жұмыс істейтін, өз тәжірибесімен бөлісуге және сіздің бизнес-идеяларыңызға, оның ішінде қаржылық қолдау көрсетуге дайын кәсіпкерлер болады. Павлодар облысының ісін жаңа бастаған кәсіпкерлеріне «Бизнес-ангелы Америки» ірі халықаралық ұйымы көмек көрсетеді.
«Әйелдер бизнес-академиясының құрылуы 9 қыркүйекте «Атамекен» палатасында өткен облыс әкімінің орынбасары Сәкен Шаяхметовпен кездесуде павлодарлық кәсіпкерлер көтерген өзекті мәселені шешеді», - деп атап өтті бастамашылар.
Жоба бір жыл ішінде әзірленді, келіссөздер, келісімдер жүргізілді.
Жобаға қатысу үшін келесі сілтеме бойынша сауалнаманы толтыру қажет: https://goo.su/7lvx
795 рет оқылды
