Ресей Украина аумағының басым бөлігін аннексиялауға дайындалып жатыр, - деп мәлімдеді АҚШ президенті жанындағы Ұлттық қауіпсіздік кеңесінің өкілі Джон Кирби.
Кирби Америка барлауына сүйене отырып, "Кремль Херсон, Запорожье және Донбасты толығымен Ресейдің бір бөлігі деп жарияламақшы" дейді.
"Ресей өз бақылауына алған Украинаның бір бөлігіне өз адамдарын тағайындап жатыр. Ең бірінші олар басып алған жерлерде шартты түрде референдум өткізеді", - деді Кирби.
Ақ үй өкілінің сөзінше, Ресейдің Украинаға шабуыл жасаудағы ниеті барлау қызметінің болжамдарымен сәйкес келіп отыр.
"Ресейдің Украина аумағының жартысын аннексиялау әрекеті БҰҰ жарлығын өрескел бұзған болып есептеледі әрі бұл әрекеті үшін жазаға тартылмай қоймайды", - деп ескертті Кирби.
Ол Кремльге қарсы жаңадан, өте қатал санкциялар енгізілетінін және Мәскеудің барлық жоспарын әшкерелейтінін де ескертті.
АҚШ таяу күндері Украинаға HIMARS жүйелерін тағы жіберетінін мәлімдемек.
835 рет оқылды
