07 қаң, 2021 сағат 15:48

Адамдар кешірімді, мейірімді болуы керек - Нұрсұлтан Назарбаев

8 января в 21:45 в эфире телеканала «Хабар» выйдет продолжение документального проекта «Штрихи к портрету». В третьей серии фильма будет меньше вопросов о политике, больше о личном и ранее неизвестном pic.twitter.com/zlVMN9rGCm
— Aidos Ukibay (@Aidos_Ukibay) January 7, 2021

8 қаңтар күні «Хабар» арнасында ҚР Тұңғыш Президенті туралы «Штрихи к портрету» деректі фильмінің жалғасы көрсетіледі. Бұл туралы Елбасының баспасөз хатшысы Айдос Үкібай Тwitter-парақшасында жазды, деп хабарлайды "Ұлт ақпарат".

«Хабар арнасында 8 қаңтарда сағат 21.45-те «Штрихи к портрету» деректі фильмінің жалғасы көрсетіледі. Фильмнің үшінші сериясында саясатқа қатысты сұрақтар аз болады. Көбінесе Елбасының жеке өмірі және бұрын белгісіз болып келген дүниелер айтылады», - деп жазды Айдос Үкібай.

«Адамдар кешірімді, мейірімді болып, бір-біріне қол ұшын созуы керек», - дейді Нұрсұлтан Назарбаев деректі фильмнің видео-анонсында. Сондай-ақ Елбасы өмірден өткен жиені туралы да айтады.

Айта кетсек, Нұрсұлтан Назарбаевтың баспасөз қызметінің YouTube-парақшасында «Штрихи к портрету» деректі фильмінің 1-ші сериясы өткен айда жарияланған еді.