11 ақп, 2022 сағат 18:48

Абай атындағы опера және балет театрына жаңа басшы тағайындалды


Абай атындағы Қазақ мемлекеттік академиялық опера және балет театрына жаңа басшы тағайындалды. Бұл туралы мәдениет және спорт министрі Дәурен Абаев мәлімдеді, - деп хабарлайды "Ұлт ақпарат".

Бұл қызметке Алматы циркінің бұрынғы басшысы Нұрбақыт Бөкебаев тағайындалды.

"Бүгін Алматы қаласындағы Абай атындағы Қазақ мемлекеттік академиялық опера және балет театрына барып, жұмыс барысымен таныстым. Осы орайда Бөкебаев Нұрбақыт Әбдіғалиұлының осы мәдениет ошағының директоры қызметіне тағайындалғанын хабарлаймын.

Осы уақытқа дейін театрды басқарып келген Қаратаев Таир Нұрланұлына театрды дамытуға қосқан елеулі үлесі үшін алғыс білдіремін", - деп жазды ол Facebook-тегі парақшасында.

Нұрбақыт Бөкебаев 1963 жылы дүниеге келген.

Ж. Елебеков атындағы республикалық эстрада-цирк колледжін, Т. Жүргенов атындағы Қазақ ұлттық өнер академиясын, Д.А. Қонаев атындағы университеттің заң факультетін тәмамдаған.

Әл-Фараби атындағы Қазақ ұлттық университетінің «мәдениеттану» мамандығы бойынша гуманитарлық ғылымдар магистрі.

Әл-Фараби атындағы Қазақ ұлттық университеті «мәдениеттану» мамандығы бойынша философия докторы.

1991-1993 жылдары – «Қазақконцертте» концерттік ұжымдардың әкімшісі, жетекшісі;

1993-1996 жылдары – ҚР Мәдениет министрлігінің бас маманы;

1996-1998 жылдары – Ж. Елебеков атындағы Республикалық эстрада-цирк колледжінің және Т. Жүргенов атындағы Қазақ мемлекеттік театр және кино институтының оқытушысы;

1998-2000 жылдары – Т. Жүргенов атындағы Қазақ мемлекеттік театр және кино институтының проректоры;

2000-2004 жылдары – Алматы қаласы, Бостандық ауданының ішкі саясат бөлімінің басшысы;

2004-2005 жылдары - Қазақстан Халықтарының кіші ассамблеясы хатшылығының меңгерушісі;

2005-2008 жылдары - Алматы қаласы Ішкі саясат департаментінің бөлім бастығы;

2008 жылдың ақпан айынан тамыз айына дейін «Нұр Отан» ХДП Алматы қалалық филиалының ұйымдастырушылық-партиялық жұмыстарының меңгерушісі;

2008-2010 жылдары ҚР Мәдениет және ақпарат министрлігі өнер басқармасының бастығы;

2010-2012 жылдары – Ғ. Мүсірепов атындағы Қазақ мемлекеттік академиялық балалар мен жасөспірімдер театры директорының орынбасары;

2012-2016 жылдары – Абай атындағы Қазақ мемлекеттік академиялық опера және балет театры директорының бірінші орынбасары;

2016 жылдан «Қазақ мемлекеттік циркі» КМҚК директоры.