Алматының бас санитарлық дәрігері Жандарбек Бекшин онлайн брифинг барысында қалада ауруды қай жастағылар көп жұқтырып жатқанын айтты, деп хабарлайды "Ұлт ақпарат".
Оның айтуынша, бүгінде 20-39 жас аралғындағы азаматтар алаңдатып отыр.
«Бізді алаңдатып отырған бір контингент бар - 20-39 жас аралығындағы азаматтар арасында науқастар көп тіркеліп жатыр. Оның себебі - жастар арасында эпидахуалдың, карантин талаптарының бұзылуы. 20-39 жас аралығындағы жастар аурулар санының 39 пайызын алып отыр. Бұл - бүгінде ең көп көрсеткіш. 40-59 жас аралығындағылар - аурудың 25 пайызын алып отыр. Яғни әрбір төртінші науқас осы контингенттен шығады», - дейді Жандарбек Бекшин.
Сонымен қатар, ол карантин талаптары күшейтіліп жатқанын тілге тиек етті.
877 рет оқылды
