اقش ەدٸلەت مينيسترلٸگٸ كۋبانىڭ بۇرىنعى باسشىسى راۋل كاستروعا سىرتتاي ايىپ تاعىلعانىن مەلٸمدەدٸ, دەپ حابارلايدى ult.kz.
94 جاستاعى راۋل كاسترو مەن تاعى بەس ادام امەريكالىق ازاماتتاردىڭ قازاسىنا جەنە ەكٸ ازاماتتىق ۇشاقتى جويۋعا قاتىسى بار دەپ ايىپتالىپ وتىر. بۇل ٸس 1996 جىلى 24 اقپاندا گۋمانيتارلىق ۇيىمعا تيەسٸلٸ اقش-تىڭ ەكٸ ۇشاعىنىڭ اتىپ تٷسٸرٸلۋٸنە بايلانىستى قوزعالعان.
تەرگەۋ مەلٸمەتٸنشە, ۇشاقتار وڭتٷستٸك فلوريدادان كۋبا باعىتىنا ۇشىپ شىققان. تەرگەۋ نۇسقاسىنا سەيكەس, راۋل كاسترونىڭ بۇيرىعىمەن كۋبانىڭ ەسكەري جويعىش ۇشاقتارى بەيتاراپ اۋماقتا ۇشىپ بارا جاتقان قارۋسىز ەكٸ Cessna ازاماتتىق ۇشاعىنا ەسكەرتۋسٸز زىمىران اتقان. سونىڭ سالدارىنان اقش-تىڭ تٶرت ازاماتى قازا تاپقان.
اقش ەدٸلەت مينيسترلٸگٸ راۋل كاسترو مەن تاعى ٷش ايىپتالۋشىعا ٶلٸم جازاسى نەمەسە ٶمٸر بويىنا سوتتالۋ قاۋپٸ تٶنٸپ تۇرعانىن حابارلادى.
سوڭعى ۋاقىتتا كۋبا مەن اقش اراسىنداعى شيەلەنٸس كٷشەيٸپ كەلەدٸ. اقش پرەزيدەنتٸ دونالد ترامپ كۋبادا بيلٸك اۋىسۋى كەرەگٸن بٸرنەشە رەت مەلٸمدەدٸ. بۇل ەلدە كوممۋنيستەر فيدەل كاسترو باستاعان 1959 جىلعى رەۆوليۋتسييادان بەرٸ بيلٸكتە وتىر.
Reuters اگەنتتٸگٸنٸڭ مەلٸمەتٸنشە, ترامپ ٶز مەلٸمدەمەسٸندە كۋبانى «شەتەلدٸك جاۋ ەسكەري كٷشتەرٸنە پانا بەرٸپ وتىرعان مەملەكەت» دەپ اتاعان.
بۇعان جاۋاپ رەتٸندە قازٸرگٸ كۋبا پرەزيدەنتٸ ميگەل دياس-كانەل ارال مەملەكەتٸ ەشكٸمگە قاۋٸپ تٶندٸرمەيتٸنٸن ايتتى.
قازٸر كۋبادا ەنەرگەتيكالىق داعدارىسقا قاتىستى نارازىلىق ٶتٸپ جاتىر. اقش-تىڭ كۋباعا قارسى سانكتسييالارى اياسىندا جانارماي تاپشىلىعى كٷشەيگەن سوڭ ەلدە جاعداي كٷرت ناشارلاعان.
راۋل كاسترو - رەۆوليۋتسيونەر فيدەل كاسترونىڭ تۋعان ٸنٸسٸ. ول 2011 جىلى كۋبا كوممۋنيستٸك پارتيياسى ورتالىق كوميتەتٸنٸڭ بٸرٸنشٸ حاتشىسى بولىپ سايلاندى. 2016 جىلى بۇل قىزمەتكە ەكٸنشٸ مەرزٸمگە قايتا سايلانعان.
2018 جىلى راۋل كاسترو مينيسترلەر كەڭەسٸ مەن مەملەكەتتٸك كەڭەس تٶراعاسى قىزمەتتەرٸنەن كەتتٸ. ونىڭ ورنىنا ميگەل دياس-كانەل كەلدٸ. ال 2021 جىلدىڭ سەۋٸرٸندە كاسترو كوممۋنيستٸك پارتييانىڭ بٸرٸنشٸ حاتشىسى رەتٸندەگٸ ٶكٸلەتتٸگٸن دە تاپسىردى.
.jpg)