اقتٶبەدە بەس قاباتتى تۇرعىن ٷيدٸڭ شاتىرى ٶرتەنٸپ, ونداعان ادام قاۋٸپسٸز جەرگە كٶشٸرٸلدٸ. وقيعا سەتباەۆ كٶشەسٸندەگٸ كٶپقاباتتى ٷيلەردٸڭ بٸرٸندە بولعان, دەپ حابارلايدى ult.kz.
تٶتەنشە جاعداي ورنىنا ٶرتتٸڭ جوعارى شاقىرتۋ دەڭگەيٸ بويىنشا قۇتقارۋشىلار مەن ارنايى تەحنيكا جەدەل جٸبەرٸلگەن. ٶرت سٶندٸرۋشٸلەر جەتكەن كەزدە تۇرعىن ٷي شاتىرى اشىق جالىنعا ورانعانى انىقتالدى.
تجم مەلٸمەتٸنشە, تٸلسٸز جاۋ 290 شارشى مەتر اۋماقتى شارپىعان. قاۋٸپسٸزدٸك ماقساتىندا 50 تۇرعىن, ونىڭ ٸشٸندە 12 بالا ەۆاكۋاتسييالاندى. تۇرعىندارعا ارنايى اۆتوكٶلٸك بازاسىندا جىلىتۋ پۋنكتٸ ۇيىمداستىرىلعان.
ٶرتتٸ اۋىزدىقتاۋعا 70-تەن استام مامان مەن 30-عا جۋىق تەحنيكا جۇمىلدىرىلدى. قۇتقارۋشىلاردىڭ جەدەل ەرەكەتٸنٸڭ ارقاسىندا ٶرت تولىق سٶندٸرٸلدٸ.
الدىن الا مەلٸمەت بويىنشا, زارداپ شەككەندەر جوق. ٶرتتٸڭ شىعۋ سەبەبٸ انىقتالىپ جاتىر.
