Фото: Alex Plavevski / EPA / ТАСС
Астанада қоғамдық орындарды әдейі ластаған екі қыз әкімшілік жауапкершілікке тартылды. Бұл туралы елорда полиция департаменті хабарлады.
Оқиғалардың бірі Бәйтерек монументі маңында тіркелген. Қала тұрғыны ішімдік құйылған бөтелкені ашып, ішіндегісін айналаға шашып, қоғамдық аумақты ластаған. Екінші жағдайда қыз орындықта отырып, сусынды әдейі төгіп, демалыс орнын бүлдірген.
Белгілі болғандай, екеуі де бұл әрекеттерін әлеуметтік желіге «трендтік» контент түсіру мақсатында жасаған.
Полиция мұндай әрекеттердің заңға қайшы екенін ескертіп, қоғамдық орындарды ластау тек құқық бұзушылық емес, сонымен бірге қала тазалығы мен коммуналдық қызмет еңбегіне құрметсіздік екенін атап өтті.
58 рет оқылды
_80_80.webp)
