Президент Қасым-Жомарт Тоқаев Ұлттық қоғамдық сенім кеңесінің отырысында ішкі көші-қонды жүйелеу жөніндегі міндеттерді атап өтті, - деп хабарлайды «Ұлт ақпарат».
Мемлекет басшысының айтуынша, ішкі көші-қон мәселесі көбінесе еңбек нарығындағы жағдайға байланысты. Еңбекті көп қажет ететін мемлекеттік бағдарламаларды іске асыру есебінен жұмыс орындарын құрудың басқарылатын процестері, әсіресе дағдарыс кезеңінде, жұмыспен қамту проблемаларын шешуге көмектеседі. Осы жылы дағдарысқа қарсы шараларды қабылдау бізге жұмыс орындарын құрудың жақсы қарқынын сақтауға көмектесті.
Президенттің айтуынша, халықты жұмыспен қамтуды кеңейту үшін бұл әлі жеткіліксіз болып отыр.
"Жыл сайын қажетті жұмыс орындарын құру үшін аймақтық жұмыспен қамту карталарын жасау керек. Үкімет барлық мемлекеттік бағдарламалардағы жұмыс орындары бойынша индикаторларды өзектендіруді қамтамасыз етіп, статистикалық есептің тиісті жүйесін енгізуі керек", - деді мемлекет басшысы.
Коронавирус пандемиясы және онымен байланысты шектеу шаралары еңбек нарығындағы жағдайға теріс әсер етті. Атап айтқанда, жұмыстан босату, жалақы бойынша берешектің пайда болу қаупі бар.
Тоқаев жағдайды реттеудің пәрменді шараларының бірі ретінде мемлекеттік бақылаудың тиімділігін арттыруды атады.
Тағы бір басты бағыт – экономикадағы процестерді цифрландыру мен автоматтандыруға негізделген еңбек нарығын қазіргі заманғы шындыққа бейімдеу. Бүгінгі таңда әлеуетті қызметкерлерге қойылатын біліктілік талаптары кең сандық білімді қамтуы керек.
"Бұл уақыт талабы. Жаңа цифрлық дағдылар білім беру бағдарламаларын қайта қарауды талап етеді", - деді Тоқаев.
Президент отандық еңбек нарығының болжамын 2050 жылға дейін жаңа технологияларды енгізумен пайда болатын перспективалы кәсіптерді ескере отырып қалыптастыру қажет деп мәлімдеді.
"Қызметкерлердің өмірі мен денсаулығын сақтау, қауіпсіз еңбек жағдайларын қамтамасыз ету кез келген мемлекет үшін басым бағыт болып табылады. Еліміздің ірі кәсіпорындарында "Халықтық бақылау"жобасын белсенді енгізу қажет. Оның мәні бұрынғы, соның ішінде өндірістік жарақат алған қызметкерлер тарапынан еңбек қауіпсіздігі мен еңбекті қорғауды бақылау болып табылады", - деп атап өтті Тоқаев.
Сонымен қатар мемлекет басшысы Қасым-Жомарт Тоқаев солтүстік өңірге қоныс аударушыларға берілетін жәрдемақы көлемін 97 230 теңгеден 194 460 теңгеге дейін арттыруды ұсынды.
Ол тұрғындарды оңтүстіктен солтүстікке көшіру мәселесі ұлттық қоғамдық сенім кеңесінің отырыстарында көтерілгенін атап өтті.
"Мемлекет мигранттар үшін барынша қолайлы жағдай жасауы тиіс. Солтүстік Қазақстан облысына демографиялық өсу бойынша ең төмен көрсеткіш бар, алайда облыс өңірге қоныс аударушыларды тарту бойынша жақсы нәтижелер көрсетіп отыр.
Өңірде қоныс аударушылар үшін жаңа тұрғын үйлер салынуда. Айтуынша, Солтүстік Қазақстанда коммуналдық инфрақұрылым жүйесі дамып жатыр, әлеуметтік маңызы бар нысандар салынып жатыр.
Көшіп-қонушыларды ынталандыру мақсатында мемлекет басшысы қосымша шара ретінде жәрдемақы мөлшерін екі есеге, яғни 35 АЕК-тен 70 АЕК-ке дейін арттыруды ұсынды.
Тоқаевтың тапсырмасына сай, үкімет бұл мәселені бір ай ішінде зерттеп, тиісті шешім қабылдауы керек.
840 рет оқылды
