Қазақстан Президенті Қасым-Жомарт Тоқаев пен Түркия басшысы Режеп Тайып Ердоған ресми кездесуден кейін үстел теннисін ойнады, - деп хабарлайды "Ұлт ақпарат" Bort N1 Telegram-арнасына сілтеме жасап.
"Бүгінгі ресми шаралардан кейін Қазақстан мен Түркия президенттері үстел теннисін ойнады", - делінген хабарламада.
Еске салайық, Президент Қасым-Жомарт Тоқаев Президент Режеп Тайып Ердоғанның шақыруымен Түркия Республикасына мемлекеттік сапармен барған болатын. Түркия астанасы "Есенбоға" халықаралық әуежайында Қазақстан Президентін Түркияның вице-президенті Фуат Октай, Анкара губернаторы Васип Шахин және басқа да бірқатар ресми тұлға күтіп алды.
Кездесу барысында екі ел басшылары бірнеше құжатқа қол қойды. Сонымен қатар, Тоқаев Ердоғанды Қазақстанға шақырды.
801 рет оқылды
