Foto: Premer-ministrdiń baspasóz qyzmeti
Atyraý oblysynda Jaiyq ózeniniń sý deńgeiine monitoring júrgizilip jatyr, sonymen qatar sý tasqyny jaǵdaiyn tiimdirek baqylaý úshin drondar qoldanylýda, dep habarlady tótenshe jaǵdailar ministrliginiń resmi saity.
Jaǵany nyǵaitý jumystary da júrgizilýde – máselen, bir kúnde 70 úiden sý burylyp, sorylyp, eki júz myńnan astam qap tóseldi.
Sońǵy resmi málimetke sáikes, respýblika boiynsha 43 015 adam úiine oraldy. 6 338 adam evakýatsiialaý pýnktterinde qaldy. Soltústik Qazaqstan, Atyraý jáne Aqtóbe oblystaryndaǵy 7710 turǵyn úi men 2844 aýla aýmaqtarynan sý burylyp, soryldy.
Apatty-qutqarý jáne sý tasqynyna qarsy jumystarǵa 14 myńnan astam adam men 1529 tehnika, 226 sý sorǵysh jáne 100 júzý quraldary, 6 ushaq jumyldyrylǵan.
Shyǵys Qazaqstan oblysynda nóser jaýyn jaýyp, osy sebepti Buqtyrma jáne Kishi Úlbi ózenderinde sý deńgeiiniń joǵarylaýy baiqaldy.
Altai jáne Glýbokovskii aimaqtaryna Tótenshe jaǵdailar departamenti, TJM 68303 áskeri bólimi jáne Apatty meditsinasy ortalyǵynyń kúshteri men quraldarynyń toby jiberildi. Áýeden sholý boiynsha reister oryndalyp jatyr.
