Astanada blogerler shaýrma jarnamasy úshin politsiia qyzmetkerine prank jasap, sońynda blogerler qamaýǵa alyndy, dep habarlaidy ult.kz.
Instagram jelisinde jariialanǵan videoda jastar politseiden kómek surap, adamnyń sýǵa batyp jatqanyn aitqan. Politsiia qyzmetkeri esh saspastan birden sýǵa sekirip, batyp bara jatqan syńai tanytqan adamdy alyp shyqqan. Alaida keiin munyń áleýmettik jelige arnalǵan qoiylym, iaǵni "prank" ekeni belgili boldy.
Video qoǵamdyq tamaqtaný oryndarynyń birimen birlesip jariialanǵan. «Qutqarý» sátinen keiin politseige otbasymen baryp shaýrma jeýge arnalǵan sertifikat tabystalǵan.
Dese de bul video jelide qyzý talqyǵa tústi. Al politsei blogerlerge qoǵamdyq tártip buzylǵanyn eskertti.
Politsiia departamentiniń málimetinshe, qoiylymǵa qatysqandar usaq buzaqylyq boiynsha jaýapkershilikke tartylǵan. Sot sheshimimen video avtory 15 táýlikke, al ekinshi qatysýshy 10 táýlikke qamaýǵa alyndy.
