Kozachkov Offside Telegram arnasy Bloger Saýle Ermahanovanyń plastikalyq ota kezinde qaza tabýyna qatysty tyń málimetter jariialady, dep habarlaidy ult.kz.
Marqumnyń týystary men dostarynyń aitýynsha, qaiǵyly jaǵdai týraly olarǵa birden habar berilmegen. Sondai-aq olar Smart Beauty klinikasy jedel járdem shaqyrmaǵanyn jáne biraz ýaqyt boiy marqumdy kórsetpegenin alǵa tartqan.
Jazba avtory plastikalyq hirýrgiia salasynda reanimatologtardyń jetispeýi, dárigerlerdiń biliktiligine qatysty suraqtar men qujat máseleleri bolýy múmkin ekenin aitqan. Onyń pikirinshe, bul salada baqylaý álsiz, al kei klinikalar meditsinalyq mekemeden góri biznes qaǵidatymen jumys isteidi.
– Jyl saiyn áielder kóz jumady. Dárigerler jaýapkershilikten qutylyp ketedi, al klinika ieleri men basshylary kóbine jaýap bermeidi. Kei jaǵdaida qaiǵyly oqiǵadan keiin zańdy tulǵa qaita tirkelip, tek ataýy ózgerip, jumysyn jalǵastyra beredi, – delingen jazbada.
Sondai-aq avtor qoǵamda úlken rezonans týdyrǵan bul jaǵdaidan keiin plastikalyq hirýrgiia salasyna qatysty tekserýler kúsheiýi múmkin ekenin atap ótken.
