Jambyl oblysynda ómir boiy qujatsyz júrgen 42 jastaǵy azamat alǵash ret jeke kýálik aldy, dep habarlaidy ult.kz.
Polisia.kz jazýynsha, Qordai aýdandyq politsiia bóliminiń kóshi-qon qyzmeti er adamnyń quqyqtyq mártebesin anyqtap, oǵan Qazaqstan azamatynyń jeke kýáligin rásimdeýge kómektesken. Buǵan deiin onyń jeke basyn kýálandyratyn eshbir qujaty bolmaǵan.
Qujattary men turaqty turǵylyqty mekenjaiynyń joqtyǵynan azamat uzaq jyldar boiy áleýmettik qiyn jaǵdaida ómir súrip, kóptegen azamattyq quqyqtaryn paidalana almaǵan. Qordai aýdanyna kóship kelgennen keiin ol shalǵai taýly aimaqta malshy bolyp jumys istegen.
Politsiia qyzmetkerleri aldymen onyń jeke basyn anyqtaý jumystaryn júrgizip, arhivtik derekterdi jinaǵan. Sondai-aq qajetti málimetterdi qalpyna keltirý, qujattardy rásimdeý jáne jeke derekterin tekserý boiynsha suranystar joldanǵan. Nátijesinde barlyq qajetti qujattar daiyndaldy.
20 mamyr kúni azamat alǵash ret Qazaqstan Respýblikasy azamatynyń jeke kýáligin alǵan. Ol politsiia qyzmetkerleri men Aiala otbasyn qoldaý ortalyǵyna alǵys aityp, kórsetilgen kómektiń ómirindegi jańa kezeńge jol ashqanyn jetkizdi.
