22 mamyr 2026 jyly saǵat 16:00-de Qosshy qalasynyń Qoǵamdyq mádeni-sport kesheninde «Zań men tártip» tujyrymdamasy jáne «Adal azamat» baǵdarlamasy aiasynda merekelik is-shara ótkizildi, dep habarlaidy ult.kz.
Is-sharanyń maqsaty jastar arasynda quqyqtyq mádenietti qalyptastyrý, zańǵa qurmetti arttyrý jáne quqyqbuzýshylyqtardyń aldyn alý boldy. Shara barysynda býlling, bopsalaý, internet-alaiaqtyq, nashaqorlyq jáne vandalizmniń aldyn alý máselelerine erekshe nazar aýdaryldy.
Is-sharaǵa bokstan álem jáne Aziia chempiony Aqshalov Merei Tólegenuly, djiý-djitsýdan álem chempiony Ábdirkenov Azim Qapanuly, tanymal bloger ári volonter Timýr Spataiuly jáne sport sheberi Muhit Amantai myrza arnaiy qonaq retinde qatysty. Sonymen qatar Aqmola oblysy prokýrorynyń orynbasary Marat Baqtybkuly da kelgen edi.
Baǵdarlamada patriottyq ánder, bi qoiylymdary, sahnalyq kórinister jáne quqyqtyq tárbie taqyrybyndaǵy suhbattar uiymdastyryldy.
