Aqtaýdaǵy «Qasiet» plastikalyq hirýrgiia klinikasyna barǵannan keiin qaitys bolǵan Mańǵystaý oblystyq máslihatynyń depýtaty Erbol Aitýovtyń isi jańa daýǵa ulasty. Marqumnyń ólimine qatysty naqty sebepti anyqtaý úshin eksgýmatsiia jasalýy múmkin, dep habarlaidy ult.kz. Halyqstan Telegram arnasyna silteme jasap.
Mańǵystaý oblystyq advokattar alqasynyń advokaty Aldyrza Qýanyshkereevtiń aitýynsha, depýtattyń denesi týystaryna sot-meditsinalyq saraptamasyz berilgen. Bul jait qoǵamda úlken suraq týǵyzdy.
Advokattyń sózinshe, eksgýmatsiia jasap, qaita saraptama júrgizý ǵana Erbol Aitýovtyń naqty neden kóz jumǵanyn anyqtaýǵa múmkindik berýi múmkin.
Osy arada klinika ókilderi de jańa málimdeme jasady. Meditsinalyq ortalyqtyń bas dárigeri Artýr Tájiev depýtatqa plastikalyq operatsiia jasalmaǵanyn aitty.
Onyń málimetinshe, narkoz engizilgennen keiin naýqastyń qan qysymy kúrt kóterilip, 210–220-ǵa deiin jetken. Osydan keiin dárigerler operatsiiany toqtatqan.
Klinika komaǵa iek liposaktsiiasy men moiyn tartý operatsiiasy emes, gipertoniialyq kriz aiasyndaǵy insýlt sebep boldy dep otyr.
Alaida qoǵamda tergeý áreketterine qatysty kúmán kúsheiip keledi. Ásirese meditsinalyq aralasýdan keiin kóz jumǵan adamnyń máiitine sot-meditsinalyq saraptama júrgizilmegeni qyzý talqylanýda.
Belgili bolǵandai, Erbol Aitýov Shymkent qalasynda jerlengen.
