QR Densaýlyq saqtaý ministrliginiń Sanitariialyq-epidemiologiialyq baqylaý komiteti Wedrink ónimderine qatysty jaǵdaiǵa túsinikteme berdi, dep habarlaidy ult.kz.
Vedomstvonyń málimetinshe, bul sanattaǵy sýsyndardyń quramynda qant mólsheri joǵary qoiý shárbattar bar. Sondyqtan olardy shamadan tys tutyný adam aǵzasyna keri áser etýi múmkin.
Ministrlik ókilderi mundai ónimderdi kóp ishý asqazanda aýyrlyq týǵyzyp, qandaǵy qant deńgeiiniń kóterilýine yqpal etetinin aitty. Ásirese balalar men jasóspirimderge mundai sýsyndardy shekten tys paidalanbaýǵa keńes berildi.
Sonymen qatar Densaýlyq saqtaý ministrligi Wedrink ónimderine bailanysty jappai taǵamnan ýlaný derekteri tirkelmegenin málimdedi.
«Komitetke jáne onyń aýmaqtyq departamentterine Wedrink brendi ónimderin tutynýǵa bailanysty jappai ýlaný týraly shaǵymdar túsken joq. Sondai-aq óńirlerdegi infektsiialyq statsionarlarmen birlesip, ýlaný jaǵdailaryna taldaý júrgizildi. Nátijesinde Wedrink ónimine qatysty ýlaný fakileri anyqtalǵan joq», — delingen komitet jaýabynda.
Vedomstvo ókilderi eger naqty rastalǵan jaǵdailar bolsa, azamattar meditsinalyq qujattar men ózge de dálelderdi usyna otyryp, aýmaqtyq bólimshelerge júginýi qajet ekenin atap ótti.
