Ýkrainanyń «Hochý jit» memlekettik jobasy 2026 jyldyń mamyr aiyndaǵy málimet boiynsha Resei Qorǵanys ministrligimen kelisimshartqa otyryp, Ýkrainadaǵy soǵysqa attanǵan Ortalyq Aziia elderiniń 12 919 azamatyn anyqtaǵan. Bul týraly joba ókilderi «Ýkraina — Ortalyq Aziia» Telegram arnasyna habarlaǵan, dep habarlaidy ult.kz.
Jariialanǵan derekke sáikes, soǵysqa qatysqandar sany boiynsha Ózbekstan birinshi orynda tur. Atalǵan elden 4955 adam Resei áskeri qataryna qosylǵan. Odan keiin Tájikstan — 3489 adam, Qazaqstannan 2420 adam Resei shebinde soǵysqa barǵan, Qyrǵyzstannan 1474 adam jáne Túrikmenstanan 581 adam Ýkrainadaǵy soǵysqa attanǵan.
Joba ókilderiniń málimetinshe, bul azamattardyń barlyǵy Resei Qorǵanys ministrligimen kelisimshart jasasqan. Alaida olardyń qanshasy qaza tapqany nemese elderine oralǵany týraly naqty aqparat berilmegen.
Sońǵy jyldary Reseidiń Ýkrainaǵa qarsy soǵysyna Ortalyq Aziia elderi azamattarynyń qatysýy qoǵamda qyzý talqylanyp keledi. Aimaqtaǵy birneshe memleket óz azamattaryna sheteldegi qarýly qaqtyǵystarǵa qatysqany úshin qylmystyq jaýapkershilik qarastyrylǵanyn birneshe ret eskertken.
