Foto: BBC
Saýd Arbiiasy koroldiginiń qajylyqty qajylyq vizasy bar azamattar ǵana jasai alatyny jónindegi 2024 jylǵy 24 sáýirdegi málimdemesine orai, QMDB tek ruqsaty bar týrpoperatorlar men týragentterdiń kómegimen úlken qajylyq saparyn jasai alatynyn eske saldy, dep habarlaidy «Ult aqparat» QMDB baspasóz qyzmetine silteme jasap.
Osy oraida mekeme 2024 jyly qajylyq oryndary konkýrs negizinde 16 týroperatorǵa bólingenin málimdedi.
Qajylyq jasaýshyǵa da qoiylatyn eń basty talap: qajylyq qulshylyǵyn eshqandai týristik saparmen shatastyrmai, ár qajy qajylyqtyń shariǵi talaptaryn oryndaýy tiis.
Óz kezeginde QMDB qajylyqty uiymdastyrýdyń tehnikalyq jaýapkershiligin belgili zań talaptary negizinde qazaqstandyq týroperatorlarǵa senip tapsyrady. Sebebi Qazaqstan Respýblikasy azamattarynyń túrli maqsatta syrtqa shyǵýy týrizm salasyndaǵy zańnamalarmen retteledi jáne olardyń quqyqtaryn qorǵaý týroperatorlarǵa júkteledi, - delingen málimette.
Qajylyq maýsymynda týroperator QR azamattaryn syrtqa shyǵý týrizmi salasyndaǵy quqyqtary negizinde SAK jerine QMDB bólgen qajylyq oryndary boiynsha ǵana azamattardy alyp bara alady. Qajylyq oryndarynan tys adam aparý eki el arasyndaǵy qajylyq kelisimshartyn buzǵan bolyp sanalady.
Demek, konkýrstan ótken 16 týroperator qajylardyń qaýipsizdigine, olardy Mekke-Medinaǵa aparyp-ákelýge, qonaq úi jáne as-sýmen, transportpen qamtamasyz etýge jáne tiisti qujattaryn rásimdeýge mindetteledi, - dep qosty QMDB ókilderi.
Olar: "Hikmet Trevel" JShS, "Atlas Týrizm" JShS, "Qyzmet Saiahat" JShS, "Tawaf Travel" JShS, "Hidaiat-Nýr" JShS, "Nurkhan travel" JShS, "Sembekova" JShS, "Sanabl kz" JShS, "Mina travel" JShS, "Al-Marýa" JShS, "Ordabasy – NJ" JShS, "Robinzon kz" JShS, "Delta Tour" JShS, "Iman Travel Týr" JShS, "Dostik travel" JShS, "Qazaq Sapar" JShS.
Biyl elimizden 5081 myń adam úlken qajylyqqa barady.
