Foto: QR Úkimeti
2024 jyldyń 23 sáýirindegi jaǵdai boiynsha Qostanai, Aqmola, Pavlodar oblystarynyń basym bóliginde, sondai-aq Qaraǵandy jáne Shyǵys Qazaqstan oblystarynyń jeke aýdandarynda topyraqtyń qatýy saqtalady dep habarlaidy "Ult Aqparat" Qazgidrometke silteme jasap.
Qostanai oblysynda topyraqtyń qatýy oblystyń 3 aýdanynda baiqalady: Qarabalyq aýdanynda 60-65 sm-den 90-95 sm-ge deiin.
Aqmola oblysynda - áli de Tselinograd, Shortandy, Birjan sal aýdandarynda jáne Kókshetaý qalasynda saqtalady. Qatý tereńdigi 106-153 sm, joǵarǵy qabattyń erýi 48-81 sm, Tselinograd aýdanynyń Novoishimka aýyly mańaiynda 129 sm tereńdikke deiin erigen.
Qaraǵandy oblysynda topyraqtyń qatýy tek Osakarovka aýdanynda 65-150 sm topyraq qabatynda saqtalady.
Pavlodar oblysynda - topyraqtyń tolyq erýi tek baqylaý pýnktteriniń jartysynda ǵana baiqalady.
Ertis jáne Jelezinka aýdandarynda topyraqtyń qatýy 115-150 sm tereńdikke jetedi, erýi 62 sm-den 129 sm-ge deiin. Tereńkól jáne Ýspenka aýdandarynda topyraq 138-203 sm tereńdikke deiin, Lozovaia stantsiiasynyń mańaiynda 236 sm deiin qatqan kúide qalady, topyraqtyń erýi 81 sm-den 147-150 sm-ge deiin.
Sharbaqty aýdanynyń ortalyǵynda qatý 105-ten 257 sm-ge deiingi qabatta baiqalady, aýdannyń ońtústiginde topyraq erigen.
Shyǵys Qazaqstan oblysynda topyraqtyń qatýy Katonqaraǵai aýdanynda ǵana saqtalady - qatýdyń tómengi shekarasy 93 sm, erýi 57 sm tereńdikke deiin baiqalady.
Qazaqstannyń qalǵan aýmaǵynda topyraq tolyǵymen erigen.
