Óńirlik media jýrnalistika salasyna sapaly kadr daiarlaityn ortalyq retinde qyzmet etýde. Bul týraly búgin elordada ótip jatqan Óńirlik BAQ forýmynda elimizdiń Aqparat jáne kommýnikatsiialr ministri Dáýren Abaev aitty, dep habarlaidy "Ult aqparat" QazAqparat-qa silteme jasap.
«Aqparattyq salany airyqsha nazarda ustaý kez kelgen memlekettiń kókeitesti máselesi ekendigi belgili. Bul turǵydaǵy mańyzdy mindetterdiń biri otandyq buqaralyq aqparat quraldaryn damytý desek, sonyń ishindegi aýqymdy baǵyt aimaqtyq media. Osy oraida Aqparat jáne kommýnikatsilar ministrligi Memleket basshysynyń tapsyrmasy boiynsha óńirlik mass-mediany jańa deńgeige kóterý sharalaryn qolǵa alady», - dedi ol.
Ministrdiń atap ótýinshe, búgingi kúngi forým osy máselelerdi óńirlik jýrnalistermen birge talqylap, ózara pikir men tájiribe almasýdyń tamasha múmkindigi bolmaq.
«Jalpy, memlekettiń aqparattyq saiasatyn júzege asyrýda aimaqtyq media úlken ról atqaratyndyǵy bárińizge aian. Buqaranyń ózekti problemalaryn qashanda jergilikti baspasóz ben telearnalar birinshi bolyp kóteretindigin atap aitqym keledi. Elbasy saiasatyn nasihattai otyryp birlik pen turaqtylyqty nyǵaitý, ulttyq múddeni qorǵaý óńirlik media udaiy kóteretin altyn arqaýly máseleler. Oǵan qosa, olar jýrnalistka salasyna sapaly kadr daiarlaý ortalyqtary retinde de qyzmet etip otyr», - dedi Abaev.
Ait keteiik, sharaǵa Parlament depýtattary, Prezident ákimshiliginiń ókilderi, respýblikalyq jáne óńirlik BAQ basshylary, jýrnalisteri, ortalyq jáne jergilikti atqarýshy organdardyń ókilderi, Reseidiń tanymal telejýrnalisteri qatysýda. Úsh sessiiamen ótetin forým barysynda qazaqstandyq jýrnalister men qoǵamdy alańdatatyn ózekti máseleler talqylanýda.
