Семей қаласының тұрғыны тәртіп сақшысына 6 мың теңге пара бермек болған, деп хабарлайды "Ұлт ақпарат".
«ВАЗ-2108» маркалы автокөлік жүргізушісі Қаржаубайұлы және Мичурин көшелерінің қиылысында маневр жасау қағидаларын бұзған. Мұны байқаған полицей оны тоқтатып, әкімшілік хаттама толтырмақ болады.
«36 жастағы ер адам патруль көлігінің ішінде полиция қызметкеріне пара ұсынған. Тәртіп сақшысы оған лауазымды тұлғаға пара бергені үшін қылмыстық жауапкершілікке тартылатынын ескертеді. Алайда ол бұған құлақ аспай, алдыңғы оң жақ орындықтың астына 6 мың теңге тастаған», - деп хабарлады ШҚО полиция департаментінің баспасөз қызметі.
Бүгінде жүргізушіге қатысты ҚР Қылмыстық Кодексінің 367-бабы бойынша іс қозғалған.
890 рет оқылды
