Қазақстандық боксшы Жәнібек Әлімханұлы (9-0, 5 КО) халықаралық WBC рейтингіндегі орнын жақсартты, деп хабарлайды Sports.kz порталы.
WBC рейтингінің жаңартылған нұсқасында қазақстандық боксшы Жәнібек Әлімханұлы 72,6 келіге дейінгі салмақ дәрежесінде ТОП-5 боксшының қатарына енді. Өткен аймен салыстырғанда Жәнібек бір сатыға жоғарылап, рейтингтің бесінші қатарына көтерілген. Рейтингтің көшін бұрынғыша Сауль Альварес бастап тұр.
Еске сала кетсек, Әлімханұлы - орта салмақтағы WBO Global чемпиондық белбеуінің иегері. Ол өзінің соңғы жекпе-жегін қыркүйекте өткізіп, аргентиналық боксшы Гонсало Корияны (16-4, 6 КО) екінші раундта нокаутпен жеңген болатын.
1166 рет оқылды
