#
#
Дүйсенбі 30/11/2020

Жамбыл облысында жасырын қоймадан 9 қап есірткі табылды

  • 30.10.2020
  • 0
  • 133

Жамбыл облысы Т.Рысқұлов ауданында жасырын қоймадан тоғыз қап есірткі заты табылды, деп хабарлайды "Ұлт ақпарат".

Жамбыл облысының полиция департаменті есірткі қылмысына қарсы іс-қимыл басқармасының қызметкерлері «Қарасора-2020» жедел алдын алу іс-шарасын өткізді. 

Шара барысында Тұрар Рысқұлов ауданының құмға жақын маңдағы аймағында есірткінің жасырын орнын қазу кезінде Тараз қаласының 29 және 37 жастағы екі тұрғынын қолға түсірді. Бұл туралы облыстық полиция департаментінің баспасөз қызметі хабарлады.

«Жасырын қоймада жалпы салмағы 68 келі 450 грамм «кептірілген марихуана» салынған 9 полипропилен қап табылып, тәркіленді. Аталған дерекке қатысты ҚР ҚК 297-бабы 3-бөлігі бойынша сотқа дейінгі тергеу амалдары жүргізіліп жатыр» делінген ведомство хабарламасында. 

Күдіктілер өз кінәсін мойындап, Тұрар Рысқұлов АПБ уақытша ұстау изоляторына қамалды.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар