Ресей президенті Владимир Путин Нобель сыйлығына ұсынылды, - деп хабарлайды РИА Новости.
"Ресейлік жазушы Сергей Комков 2021 жылы 10 қыркүйекте Ослода Путиннің Нобель сыйлығына үміткер болуына өтініш жібергенін хабарлады", - делінген сайтта.
Ресей Федерациясы Президентінің баспасөз хатшысы Дмитрий Песков жазушының бастамасына пікір білдірді.
"Сіздер бұл сыйлыққа түрлі адамдар ұсынылатынын білесіздер. Бұл - ұсыныс жасағандардың бастамасы. Бұл жағдайда - осы жазушы. Номинанттарды қараудың белгілі бір рәсімі бар. Шешім қабылданса - жақсы, қабылданбаса - ештеңе етпейді. Басқа нәрсе айту қиын", - деді Песков.
Нобель сыйлығы - жыл сайын көрнекті ғылыми зерттеулер, революциялық өнертабыстар немесе мәдениетке, қоғамның дамуына қосқан үлесі үшін берілетін ең беделді халықаралық сыйлықтардың бірі.
855 рет оқылды
