Кастельонда (Испания) бокстан қазақстандықтар да қатысып жатқан халықаралық турнир жалғасуда. Қазақстандық боксшы Василий Левит француз боксшысы Сейди Купемен жекпе-жекте жеңіске жетті, деп хабарлайды "Ұлт ақпарат" Sports.kz сайтына сілтеме жасап.
Жарыста 91 келіге дейінгі салмақ дәрежесінде Қазақстан атынан Василий Левит шығады. Ширек финалда ол француз боксшысы Сейди Купемен кездесіп, төрешілердің бірауыздан қабылдаған шешімімен жеңіске жетті. Осылайша, Левит жартылай финалға шығып, осы турнирде медаль алатындығы айқын болды.
Василий Левит – Олимпиада ойындарының күміс жүлдегері (2016), Әлем чемпионатының қола жүлдегері (2017, 2019), Азияның үш дүркін чемпионы (2009, 2015, 2017). Сонымен қатар ол Қазақстан чемпионатында үш рет (2009, 2015, 2017) жеңіске жеткен.
656 рет оқылды
