ҚР Ұлттық банкі 2017 жылдың 22 желтоқсанында номиналы 100 теңгелік "Сиқырлы нышандар" сериясындағы "Тұмар" коллекциялық монетасын айналымға шығарды, деп хабарлайды "Ұлт ақпарат".
Монетаның бет жағының (аверсінде) орталық бөлігінде оның номиналын білдіретін "100 ТЕҢГЕ" деген жазу, монета дайындалған металды және массасын білдіретін "Ag 925 31,1 g" деген жазу, соғылған жылын білдіретін "2017" деген сан орналасқан. Жазулар мен сан ұлттық ою-өрнекпен, моншақталған тізбекпен және мемлекеттік тілдегі "ҚАЗАҚСТАН ҰЛТТЫҚ БАНКІ" және ағылшын тіліндегі "NATIONAL BANK OF KAZAKHSTAN" деген жазбамен көмкерілген. Сол жақ бөлігінде Қазақстан теңге сарайының сауда белгісі, оң жағында Қазақстан Республикасы Ұлттық Банкінің логотипі бейнеленген.
Монеталардың сол және оң бөліктерінде ою-өрнек элементтері бейнеленген.
Монетаның бет және сырт жақтарындағы бейнелер мен жазбалар бедерлі, айналдыра шығыңқы жиек жүргізілген.
Монета 925 сынамды күмістен дайындалған, массасы 31,1 грамм, сипатталған шеңбер диаметрі – 40 мм., дайындау сапасы "Antic silver", таралымы – 6 мың дана, қыры (гурты) бедерсіз және жазусыз.
Номиналдық құны 100 теңгелік коллекциялық монеталар Қазақстан Республикасының бүкіл аумағында көрсетілген құнымен төлемнің барлық түрі бойынша, сондай-ақ банк шоттарына есептеу үшін және аударым жасау үшін қабылдануға міндетті, Қазақстан Республикасының барлық банктерінде шектеусіз ұсақталады және айырбасталады.
Монеталарды Қазақстан Республикасы Ұлттық Банкінің барлық филиалдарында, www.nationalbank.kz ҚРҰБ сайтында монеталардың интернет-дүкені арқылы сатып алуға болады
сурет: sputniknews.kz
3211 рет оқылды
