Фото: Reuters
Украина президенті Владимир Зеленский Украинаның қатысуынсыз жасалған бітімгершілік келісімдерге көнбейтінін айтты, деп хабарлайды Ult.kz.
Зеленский сөзінің маңызды тұстары:
- Европа келіссөздер үстелінде өз орнына ие болуы керек. Украина үшін қауіпсіздік кепілдіктері — бұл келіссөздердің ең маңызды бөлігі. Кепілдіктерсіз реттеу жоспары жоқ. Европа қатыспай келіссөздер болмайды.
- Мен НАТО-ға Украина мүшелігі мәселесін алып тастамаймын. НАТО-ның ең ықпалды мүшесі, көрініс бойынша, Путин, өйткені оның шешуші сөз айту құқығы бар — кім НАТО-ға мүше болады, кім болмайды.
- Біз президент Трамппен және оның командасымен атом энергиясы, Запорожская атом электр станциясы туралы сөйлестік, қазір оны Ресей күштері басып алған. Ресей Чернобыль саркофагына дрон жіберуде. Бұл — бейбітшілік қаламайтын елдің ұстанымы.
- Европа тәуелсіз еуропалық армияға мұқтаж. Бұл уақыт келді.
- Украина біздің қатысуымызсыз жасалатын келісімдерді ешқашан қабылдамайды. Украинасыз Украинаға қатысты шешімдер болмайды, Еуропасыз Еуропаға қатысты шешімдер болмайды.
- Ресей күштері 250 мың сарбазынан айырылды, 600 мыңнан астамы жарақат алды. Украина толықтай Солтүстік Корея әскерлерін жойды. Ресей армиясының жеке құрамынан тапшылық туындады.
- Путин АҚШ президентінің Қызыл алаңда тұрып, оның шоуына қатысуын қалайды.
- Ресей 150 000 жаңа сарбазбен 15 жаңа дивизия құруда. Бізде барлау мәліметтері бар, Ресей әскерлерін Беларуське жіберуді жоспарлап отыр — оқу-жаттығулар өткізу. Украинадағы соғыс үш жыл бұрын осылай басталды. Беларусь үш НАТО елінің шекарасында орналасқан. Сіздің армияларыңыз арандатуларға дайын ба?
- Ресей 2022 жылғы шекараларға қайтып оралуы керек. Путин әлсіз, біз бұл жағдайды пайдалануымыз керек.
- Бізге сіздердің беретіндеріңіз қажет: қару-жарақ, санкциялар, қаржыландыру.
- Қазіргі таңда Украина әлемде дрондарды жасау бойынша көшбасшы.
Сонымен қатар Владимир Зеленский 24 ақпанда барлық еуропалық лидерлерді Киевте кездесу өткізуге шақырды.
379 рет оқылды
