Қазақстан ҰҚК Солтүстік Қазақстан облысы бойынша департаменті Шекара қызметімен бірлесе Петропавл қаласының тұрғындары ұйымдастырған заңсыз көші-қон арнасының жолын кесті, - деп хабарлайды "Ұлт ақпарат".
ҰҚК баспасөз қызметінің мәліметі бойынша, департамент қызметкерлері тұрғын үйден жалған құжаттар (026/у нысанына сәйкес диагноз бен емделу мерзімін растау үшін аумақтық амбулаториялық-емханалық ұйымның дәрігерлік-консультациялық комиссиясының қорытындылары, шетел медициналық ұйымдарынан емделуге шақыру хаттар, ПЦР-тестілер) жасайтын "жасырын" цех ашқанын анықтаған. Оларды короновирус пандемиясына байланысты карантин шектеулері қолданылған кезеңде Ресей Федерациясымен мемлекеттік шекараны кедергісіз кесіп өту үшін Қазақстан азаматтарына сатқан.
Жүргізілген тінту барысында қазақстандық және ресейлік медициналық ұйымдардың мөрлері, облыстың клиникалық-диагностикалық зертханасы мен емханасының ПТР-тестілерінің қорытындылары алынды.
Сурет: ҰҚК баспасөз орталығынан
ҚР ҚК-ның 394-бабы 2-бөлігі ("Адамдар тобы алдын ала сөз байласып жасаған заңсыз көші-қон") бойынша соталды тергеу жүргізіліп жатыр.
1085 рет оқылды
