Қазақстан Республикасының Премьер-Министрі Бақытжан Сағынтаев Мәскеуде ЕАЭО-ға мүше мемлекеттердің Еуразиялық үкіметаралық кеңесінің жұмысына қатысуда, деп хабарлады Үкімет басшысының баспасөз қызметі.
Отырыс барысында ЕАЭО кеңістігінде дәрі-дәрмек айналысы саласын реттейтін құжатқа қол қою жоспарлануда. Аталған құжаттың қабылдануы дәрі-дәрмек нарығындағы жалпы айналымды тиімді ретке келтіріп, жұмыспен қамтуға, контрафактілік өніммен күресуге, дәрі-дәрмектердің сапасын арттыруға және олардың бағасын төмендетуге мүмкіндік береді.
ЕАЭО елдерінің үкімет басшылары отырысының негізгі қаралатын мәселесі – Кеден кодексі жобасын қабылдау мәселесін талқылау. Ол ұқсас халықаралық құжаттарды есепке ала отырып әзірленген. Отырыста Израиль мемлекеті ЕАЭО-мен ынтымақтастыққа мүдделі екендігін білдірді.
Қазақстан Президенті Нұрсұлтан Назарбаев биылғы жылды еліміздің одаққа төрағалық етуіне орай, Еуразиялық экономикалық одақтың үшінші елдермен және маңызды интеграциялық бірлестіктермен экономикалық қарым-қатынасын нығайту жылы ретінде жариялаған болатын. Келесі жылы ЕАЭО төрағалығы Қазақстаннан Қырғызстанға табысталады.
1556 рет оқылды_140_110.webp)
