Фото: primeminister.kz
Мемлекет басшысының тапсырмасы бойынша ҚР Үкіметі табиғи сипаттағы ТЖ салдарынан Жамбыл облысының аграрларына келтірілген шығынды өтеуге резервтен 3,6 млрд теңгеден астам қаражат бөлді. ҚР Премьер-министрі Әлихан Смайылов тиісті қаулыға қол қойды, деп хабарлайды "Ұлт ақпарат" Үкімет басшысының баспасөз қызметіне сілтеме жасап.
Биыл Жамбыл облысының ауыл шаруашылығы тауарын өндірушілері су тапшылығы салдарынан шығынға батты. Өңір әкімдігінің хабарлауынша, Байзақ, Жамбыл, Қордай, Меркі, Тұрар Рысқұлов және Талас аудандарындағы 400 АӨК субъектісінің 9 мың га алқаптағы егісі қуаңшылықтан зардап шеккен. Бұл жағдайға байланысты Премьер-Министрдің өкімімен облыста табиғи сипаттағы төтенше жағдай жарияланды.
"Үкімет резервінен бөлінген қаражат шаруаларға шығынның орнын толтырып, келесі жылдың көктемгі дала жұмыстарына толық дайындалуға мүмкіндік береді.
Қаулы қол қойылған күнінен бастап күшіне енеді" - делінген хабарламада.
365 рет оқылды
