Фото: Pexels.com
Төтенше жағдайлар вице-министрі генерал-майор Кеген Тұрсынбаев өрт қауіпті маусымға дайындық және елдегі су тасқыны жағдайына ден қою бойынша қабылданып жатқан шаралар туралы баяндады, деп хабарлайды Ult.kz.
- Алдын алу іс-шараларының кешені әзірленіп, іске асырылуда;
- Ведомствоаралық жоспар бекітілді, шекара маңындағы мемлекеттермен өзара іс-қимылды қоса алғанда, табиғи өрттерге ден қою алгоритмдері түзетілді;
- Өңірлерде аумақтарды тазарту және жырту жұмыстары жүргізілуде, орманды дала алқаптарында профилактикалық жұмыстар жандандырылды;
- Өрт қауіпсіздігі талаптарының 475 бұзушылығы анықталды;
- «Орман» және «Табиғат» ақпараттық жүйелері, орман шаруашылықтарының бейнебақылау деректері, космомониторинг және ГИС ЧС арқылы өрт жағдайына мониторинг жүргізілетін болады;
- ТЖМ Командалық орталығында тәулік бойы жедел топ жұмыс істейді;
- ТЖМ әуе топтамасы күшейтілді, орман алқабы бар өңірлерде әуе кемелері кезекшілік етеді;
- Ұшқышсыз ұшу аппараттары қолданылады. Күнделікті аэровизуалды ұшулар жоспарланған.
Олжас Бектенов өртке қарсы жұмысты ұйымдастыру бойынша бірқатар тапсырма берді.
➤ Төтенше жағдайлар министрлігіне Экология министрлігімен және басқа да мүдделі мемлекеттік органдармен бірлесіп, мамыр айының соңына дейін табиғи өртке қарсы республикалық командалық-штабтық оқу-жаттығуларды ұйымдастыру және өткізу тапсырылды;
➤ Экология министрлігінің алдына әкімдіктермен бірге табиғат қорғау және орман шаруашылығы мекемелерін одан әрі жарақтандыру жұмыстарын жалғастыру міндеті қойылды;
➤ Экология және табиғи ресурстар министрлігі әкімдіктермен, цифрлық даму, инновациялар және аэроғарыш өнеркәсібі министрлігімен және «Қазақтелеком» компаниясымен бірлесіп, өртті ерте анықтау және өршу жағдайын, сондай-ақ оны сөндіру алгоритмдерін модельдеу жүйелерінің қамту ауқымын ұлғайту;
➤ Әкімдіктер елді мекендерде өрт сөндіру бекеттері мен ерікті өртке қарсы құрылымдарды ұйымдастыру жөніндегі жұмысты жалғастыруы, өңірлерде авиацияны тарту үшін жанар-жағармай материалдарының қажетті қорын қамтамасыз етуі, биыл 10 мамырға дейін өрт сөндіру көліктері мен тікұшақтарға қажетті су көздерін дайындауы қажет;
➤ өрт қаупі жоғары кезеңде ішкі істер министрлігіне демалушылардың орманда болуына тыйым салу жөнінде шаралар қабылдау тапсырылды;
➤ Төтенше жағдайлар, экология және табиғи ресурстар, мәдениет және ақпарат министрліктері, әкімдіктер – өрт қауіпсіздігі талаптарын сақтау мәселесі бойынша халық арасында түсіндіру жұмыстарын жандандырсын.
923 рет оқылды
