Лондонда Уимблдон турнирінің жеребесі тартылды, деп хабарлайды "Ұлт ақпарат".
Қазақстан теннис федерациясы мәлім еткендей, бұл - биылғы «Үлкен дулыға» жарысының үшіншісі.
Уимблдон додасы өткен жылы пандемияға байланысты өтпей қалған болатын.
Турнирдің 2019 жылғы чемпионы, әлемнің бірінші ракеткасы, сербиялық Новак Джокович алғашқы айналымда ұлыбританиялық Джек Дрэйпермен күш сынасады.
Әлемнің 2-ракеткасы, ресейлік Даниил Медведев германиялық Ян-Леннард Штруфф, швейцариялық Роджер Федерер франциялық Адриан Маннариномен кездеседі.
Әлемнің 3-ракеткасы, грекиялық Стефанос Циципас америкалық Фрэнсис Тиафо, жарыста төртінші болып тіркелген германиялық Александр Зверев ұлыбританиялық Таллон Грикспурмен кортқа шығады.
Жеребеге сәйкес қазақстандықтар Александр Бублик пен Михаил Кукушкин өзара ойнайтын болды.
Осы аптада қос қазақстандық Истбурн турнирінің алғашқы айналымында жолдары тоқайласып, онда Александр Бублик жеңген еді.
871 рет оқылды
